حکومت نے کم ریٹ پر طویل مدتی بانڈ جاری کردیئے، وزارت خزانہ


اسلام آباد : وزارت خزانہ نے کہا ہے کہ حکومت نے کم ریٹ پر طویل مدتی بانڈ جاری کردئیے، 140 ارب کے بجائے 38 ارب کے بانڈز جاری کیے گئے ہیں۔

تفصیلات کے مطابق وزارت خزانہ کی جانب سے جاری کردہ بیان میں کہا گیا ہے کہ مقامی بانڈز کی مدت 3 سے 20 سال ہے جس پر 16.1 ارب کے تین سالہ بانڈ پر 8.19 فیصد سود دیا گیا۔

وزارت خزانہ کا کہنا تھا کہ 12 ارب کے15 سالہ بانڈ پر سود کی شرح9.91 فیصد ہوگی، 10ارب کے 20 سالہ بانڈ پر 10.42 فیصد سود دیا جائے گا۔

وزارت خزانہ کا کہنا تھا کہ ساڑھے 5 کروڑ کے 10 سالہ بانڈ پر 8.94 فیصد شرح سود ہوگا، ماضی میں پالیسی ریٹ سے ساڑھے 4 فیصد زیادہ ریٹ پر قرضہ لیا گیا۔

ماضی میں بینکوں کو زیادہ فائدہ پہنچایا گیا، 2011 کے بعد پہلی بار15 سال کا بانڈ جاری کیا گیا، سال2017 کے بعد 20 سال کی مدت کا بانڈ جاری کیا گیا۔

وزارت خزانہ کے جاری کردہ بیان کے مطابق وزارت خزانہ میں پروفیشنل ڈیٹ مینجمنٹ ونگ قائم کردیا گیا، حکومت ہر ماہ 140 ارب کے مقامی بانڈز جاری کرے گی۔

بانڈز ضرورت کے مطابق کم شرح سود پر اٹھائے جائیں گے، اسٹیٹ بینک سے قرضوں کے حصول کا سلسلہ بند کردیا۔

fb-share-icon0

Tweet
20

Comments

comments





Source link

Leave a Reply

Your email address will not be published. Required fields are marked *