زمبابوے کیخلاف دوسرے ون ڈے سے قبل قومی ٹیم کو دھچکا


راولپنڈی: قومی ٹیم کے آل راؤنڈر حارث سہیل زمبابوے کے خلاف دوسرے ون ڈے میچ سے باہر ہوگئے۔

اے آر وائی نیوز کی رپورٹ کے مطابق قومی ٹیم کے بیٹسمین حارث سہیل زمبابوے کے خلاف دوسرے ون ڈے میچ سے باہر ہوگئے، وہ پہلے ون ڈے میچ میں گروئن انجری کا شکار ہوئے تھے۔

ذرائع کا کہنا ہے کہ حارث سہیل کی جگہ نوجوان بیٹسمین حیدر علی کی شمولیت کا قوی امکان ہے، پاکستان سپر لیگ اور نیشنل ٹی ٹوینٹی کپ میں شاندار کارکردگی دکھانے والے بیٹسمین حیدر علی کل ہوم گراؤنڈ پر ڈیبیو کریں گے۔

دوسری جانب قومی ٹیم کے نائب کپتان شاداب خان بھی فٹ نہ ہوسکے وہ دوسرے ون ڈے میں بھی حصہ نہیں لے سکیں گے، واضح رہے کہ لیگ اسپنر شاداب خان پریکٹس میچ کے دوران انجرڈ ہوگئے تھے ڈاکٹر نے انہیں ایک ہفتے آرام کا مشورہ دیا تھا۔

مزید پڑھیں: شاداب خان سے متعلق اہم خبر

پاکستان اور زمبابوے کے خلاف دوسرا ون ڈے میچ کل راولپنڈی میں کھیلا جائے گا، قومی ٹیم کو تین میچوں کی سیریز میں 1-0 کی برتری حاصل ہے۔

پہلے ون ڈے میں پاکستان نے زمبابوے کو 26 رنز سے شکست دی تھی، شاہین شاہ آفریدی نے شاندار بولنگ کرتے ہوئے 5 کھلاڑیوں کو آؤٹ کیا تھا۔

پہلے ون ڈے میچ میں شاندار سنچری اسکور کرنے پر زمبابوے کے برینڈن ٹیلر کو مین آف دی میچ قرار دیا گیا تھا۔

Comments





Source link

Leave a Reply

Your email address will not be published. Required fields are marked *